Nun lassarimi sulu
Mi piaci parlari di tia
cu l’amici,
cci dicu di vuliriti beni,
d’amariti.
Tu sa dari
amuri, paci.
T’haiu chiestu tanti voti
di pigliarimi cu tia, ma Tu,
nunn’hai mai accittatu
‘stu me disideriu.
Mi fa capiri ca ancora
nun è arrivatu lu mumentu.
A cu t’ha vulutu beni,
hà datu
tanta spiranza,
tantu amuri.
E iu, ti amu pi chissu,
pi l’amuri ca Tu duni.
Si Tu, Tu sulu
ca iu haiu amatu,
pirchì Tu
hà saputu amari.
A tia vogliu òffriri
la me vita. |
Nun lassarimi sulu!
Accumpagnami ‘nì lu camminu,
unni pozzu arrivari a tia
cu l’amuri ca ti vogliu.
T’haiu amatu, t’amu
e t’amerò pi sempri.
Tu, hà saputu confurtarimi
‘nì li mumenti di dibulizza,
di tristizza, di scunfortu,
aiutannumi ‘ni la spiranza.
Cu tia, mi piacissi,
dari l’amuri ca Tu hà.
Tu omu,
natu di la
Vergini Matri Maria,
vinisti pi sarvari lu munnu.
Sarvacci
Cristu!
Tu si l’Onniputenti,
Tu si lu Divinu,
Tu si assittato a la destra
di Diu Patri.
Tu figliu di Diu,
dunanni ancora amuri.
2011
Giuseppe Cardella |