Premio Nazionale di Poesia "Città di Sant'Agata di Militello" - XXVI Edizione - 2011

Poesia "'Na foglia gialla" -  Premio "Menzione d'Onore e Diploma di Merito"

 

bothome.jpg (4069 byte)


‘Na foglia gialla

‘Na foglia gialla cadi
di un ramu di granatu
adasciu si posa ‘nterra
senza nuddu ca l’ha tuccatu.

lu ventu la isa di ‘nterra
lenta, la fa vulari,
la porta ‘nn’all’aria
‘ncerca d’unni pusari.

Accussì vulissi essiri,
vulissi essiri cumu a tia,
vulari di ccà e di ddà
vulari comu pi maggìa.

Mi issi a pusari
‘nta cori scunsulati,
tristi e malincuniati,
ca nun hanno statu amati.

 

Eccu, chi vulissi fari.
Nnì ‘sti cori duri
purtaricci caluri,
gioia, amuri.

Vola, vola, vola,
nun ti firmari,
cerca finu ca trovi,
va finu a ‘mmari. 

Nun c’è bisognu
ca voli tantu gatu
posati ‘ni lu me cori,
iddu, voli essiri amatu.

2010 Giuseppe Cardella