Concorso di poesia "III PoesiArte2011
Poesia "Quantu si beddu mari" - Premio Speciale Poesia "Nel tempo" - Pagliara (ME)

 

bothome.jpg (4069 byte)

 

 

 

Quantu si beddu mari! 

Quantu si beddu mari a lu tramontu,
ti taliu abbrazzatu mani manuzzi
‘nzèmmula a ccù vogliu beni e amu,
sentu lu cantu di l’onda, di l’acidduzzi. 

Quantu si granni mari!
Lu Signuri ti crià pi tri voti
superchiu di la nostra terra,
pari ca si fermu, ma giri e roti. 

Quantu navi hai fattu passari?
Quantu storia hai ‘nnarrè di tia?
Quantu novi paisi ‘na fattu canusciri?
Quantu si granni mari! Mamma mia!

Mari! Di notti si ‘na maggìa,
ammucci dù amanti ‘nnamurati
‘nmezzu la tò bianca schiuma,
li lassi senza sciatu muti, ‘nfatati  

 

Mari! Quantu si riccu?
Tu si lu rrè di l’universu,
tanti populi hai sfamatu e sfami,
senza di tia, lu munnu fussi persu. 

Mari! Si beddu a la matina,
appena spunta lu suli duratu,
cci pò caminari un nicareddu ‘nn’addevu scazu, appena natu. 

Lu sacciu, cc’è lu suli, lu celu,
la luna, li stiddi, lu beni, lu mali,
ma si nun ci fussitu tù, mari!Comu avissimu a campari? 

2011 Giuseppe Cardella