Premio Internazionale di Poesia e Narrativa Alberoandronico 1^ Edizione - Roma - 2007
Poesia "Un muzzicuni d'apa" - 5° Classificato

 

bothome.jpg (4069 byte)

 

Un muzzicuni d’apa

Vulissi, ca ‘n’apa, la rigina,
di lu tò amuri tutta china,
lu cori mi pungissi ‘stà jurnata
pi ristari unchiu ‘nà simanata.

La genti po’ ‘m’addumannassi:
chi successi?...Nun si scantassi!
Senza sapiri cà ‘mmenti mè!
Mi facissi muzzicari arrè.

D’un pratu di sciuri, ‘ntrà jornu,
s’avvicina e mi gira ‘ntornu,
si posa ‘nnì lu pettu e vola,
lassa lu tò amuri e mi cunsola.


Di l’api , si la megliu, si la rigina
muzzicuna dunaminni ‘nà duzzina
lu vilenu chi mi lassi, su vasati,
su comu lu meli, duci e ‘nzuccarati.

Puncimi tuttu, nun’aviri timuri,
lassami dù gucci di veru amuri,
arsu è lu mè cori, fallu dissitari
dunacci lu meli e fallu sazziari.

 Resta! Resta! Nun tì ‘nnì iri!
Ascutami! Nun mi fari suffriri!
muzzicami forti, nun è duluri!
Di la tò morti, nascì l’amuri.

                           2007 Giuseppe Cardella