Carrettino siciliano - ('Na carritata di poesii)

bothome.jpg (4069 byte) clla_ble.jpg (7070 byte) botopere.jpg (3499 byte)

'Na carrittata di poesii 

Cuminciavu cu lu picca e sugnu juntu
ca ‘un sacciu unni mettili.
Ormai ‘nn’haiu accucchiatu assà,
su ‘na carrittata di poesii.
Mi piaci leggili e rileggili, nun sulu
chiddi me, ma puru chiddi di l’atri. 

Mi piaci puru rigalalli
a cunuscenti, amici e parenti,
vogliu fari capiri can ‘un basta
sulu manciari e dòrmiri,
cci voli puru ‘na liggiuta,
accussì la jurnata nun passa muta. 

Quann’era nicu
li scrivìa pi li fimmineddi,
pi la natura, pi lu mari,
pi la luna, pi ‘na rosa,
li scrivia pi ogni cosa ca mi dava
un trimulì, ‘n’emozzioni, un batticori. 

 


 

Ora ‘nveci,
mi piaci scìviri
pi dari emozzioni all’atri.
Cu leggi, s’avà sèntiri
dintra la poesia
chissà è lu veru me piaciri. 

Scriviri e lèggiri poesii ‘nsicilianu
è ‘mpurtanti pi ‘sti picciutteddi d’ora,
pi nun cci fari scurdari la nostra lingua
e fàricci ricurdari chiddu chi facivanu
li nostri nonni e catanonni e sèntisi
urgugliusi d’èssiri siciliani. 

Di ‘sta carrittata di poesii,
li vogliu dari a nichi e granni,
a li nichi pi nun si scurdari lu sicilianu,
a li granni pi leggiriccilli manu-manu. 

                  2013 Giuseppe Cardella